O JESUS NA MAGILIW

O Jesus na magiliw, kaluwl’wa ko’y lingapin,

Hanggang alon tumigil, at ako ay mahimpil.

Kalul’wa ko’y ingatan, hanggang alon maparam,

At ako’y patnubayan hanggang kabilang buhay.

Ang pag asa ko’y Ikaw, kalul’wa ko’y hawakan;

H’wag akong pabayaan, lagi Mong alalayan.

Sa aking kahinaan, h’wag akong iiwanan,

Buhay ko ay lukuban, ng pakpak Mong sanggalang.

Kalul’wa ko’y hugasan; sa mga kasalanan,

Ang samo ko ay bigyan ng awang walang hanggan.

Tubig ng kabuhayan, sa akin ay pakamtan,

Puso ko’y gawing sakdal hanggang sa kalangitan.