LINISIN MO AKO

Linisin Mo, O Dios ang puso ko,

Sampu ng isip ay subukin Mo.

Kasalanang hibo nitong mundo,

Hugasan at ako’y gawing bago.

Pinupuri Kita, Panginoon,

Iniligtas sa sala’t linggatong.

Pag-alabin marubrob kong layon

Purihin ka sa habang panahon.

Ang buhay ko, gawin Mo nang Iyo,

Sidlan ang puso ng pag-ibig Mo.

Isinuko, buong pagkatao

Upang manahan Ka sa buhay ko.

Diwang Banal, na balong ng buhay,

Ang pagbabago sa’kin simulan.

Ang Salita Mo ang nagsasaysay

Ang pagpapala ay ibibigay.