PATNUBAY KO AY SI JESUS

Patnubay ko ay si Jesus,

At tunay kong Manunubos,

Alalay S’ya sa pagkilos

upang hindi mapalugmok.

Kristo, ako’y kahabagan,

At h’wag Mong pababayaan,

Sa laot ng kahirapan,

Ay lagi Mong alalayan.

Hesus kamay ko ay tangan

Nang ang lakas ay makamtan,

Puso’y tigib kasiyahan

Pagkat ang Dios ang kaakbay.

Mithiin ang aking buhay,

Inaasahang kakamtan,

Pagpapalang walang hanggan,

Doon sa langit na bayan.