MAHIRAP ANG MABUHAY

Mahirap ang mabuhay sa lupang ibabaw,

Marami ang kaaway, puso mo’y tibayan.

Ikaw ay uusigin sa lantara’t lihim,

At hahamak –hamakin ang mga gawain.

Sa layuning mainam, ikaw’y pipintasan,

Iyong gawing saligan ang kay Cristong buhay;

Siya ay nagpatuloy sa dakilang layon,

Kahit anong linggatong ay hindi umurong.

Kung ang minimithi mo’y bayang paraiso,

Piliting matanggap mo ang aral ni Cristo,

H’wag mong kalilimutang kay Cristo kakamtan

Ang lunggati mong buhay sa langit na bayan.