SI JESUS SAAN MANG DAKO KASAMA

Si Jesus saan mang dako kasama,

Ay ligtas ako sa hirap at dusa,

Kung saan mang wala S’ya’y di sasala

Na walang mararanasang ginhawa.

Kung saan man si Jesus ang kapiling

Ay nawawala, ang madlang hilahil,

Hirap ma’y hindi aalintanahin

Kung Siya ang tatangkilik sa akin.

Kahit maghari man ang kadiliman,

Sa kandungan N’ya’y payapang hihimlay,

At kung magising sa kabilang buhay

Ay kapiling N’ya sa kal’walhatian.

Dahil kay Jesus ay di magdaramdam

Na talikdan ng mga kaibigan,

Ang kanyang kamay ang sa’ki’y tatangan

At saan man ay may kapanatagan.