TINIG NG PAG-AAWITAN

Tinig ng pag-aawitan ang siyang naririnig,

Kawal ng katotohanan ang siyang nananaig;

Sa larangan ng digma ang bandila ay pag-ibig;

Hayo’t makisanib.

Hukbo ng kalalakihan ang siyang nangunguna,

Sa lahat ng gawaing nauukol sa Iglesia;

Ang mga kababaihan ang siyang pngalawa,

Hayo’t makisama!

Kabataan maglingkod sa piling ng Panginoon,

H’wag ka nang magpaliban pagkat

ngayon ang panahon,

Di ka dapat mangamba ang Dios ang laging

tutulong; Lakad magpatuloy!

Pagtulungang itatag ang kaharian ni Jesus,

Kawal ng kasamaa’y piliting lansaging lubos:

Upang makalaya ang kaluluwang nakagapos,

Hayo’t makihamok!