O PAG-IBIG NA DAKILA

O pag-ibig na dakila, mapasa amin nawa,

Sa landasin Mo’y itugma, lubusin sa biyaya;

Mapagpala’t mahabagin, O Jesus na magiliw,

Pagliligtas Mo’y ibiging manatili sa amin.

Banal na Diwa’y ilapit sa damdaming may hapis,

Maghari sa aming isip nang sa’yo ay malapit;

H’wag kaming pababayaan sa pitang kasamaan,

Kam’y laging pangunahan ng Iyong Diwang Banal.

Mal’walhating pagkalinga, pag-ibig na sagana,

Kahabaga’t pagpapala ang alay na biyaya;

Puso namin ay linisin, sa sala’y patawarin,

Nang sa langit tamasahin, ligayang walang maliw.

Amen.