ANG PAGLAKAD, ALALAYAN

Ang paglakad, alalayan, O Amang minamahal,

Sa landasin kong marawal, nang ako’y di maligaw,

Sa mga pagpapala Mo, h’wag iwawalay ako,

Ang pag-ibig Mo’y saklolo sa lahat ng kilos ko.

Sa madawag na lakbayin samahan at akayin,

Upang tunay kong sapitin ang langit na mithiin.

Dios, tulungan araw-araw, pagtupad kong lubusan,

Sa banal Mong mga aral, sa gawa’t pamumuhay.

O Ama ang aking kilos patnubayan mong lubos;

Buhay ko ay itaguyod, sa langit na t’wa’t lugod.

H’wag Mo sanang pabayaan sa aking paglalakbay,

Nang ako ay magtagumpay sa hangarin kong banal.