TAOS PUSONG PANALANGIN

Taos pusong panalangin sa Dios,

lubhang mahabagin,

Ay s’ya nating dapat gawin,

pagpapala ay kakamtin.

Ipamagitan kay Jesus

lahat ng ating pagluhog;

Tutugunin tayong lubos,

puso nati’y malulugod.

Ang panalanging mataman,

tunay na pinakikinggan,

Sinasagot gabi’t araw,

at di ipagpapaliban.

Ang puso nating may dungis,

sa Panginoo’y ilapit,

Upang ang ating paghibik

ay magtamo ng tangkilik.

Kung tayo’y may karamdaman,

at may bagabag sa buhay

Hindi tayo matiwasay sa pighating tinataglay,

Kay Cristo tayo lumapit sa pagdalangi’t paghibik;

Sasagipin sa hinagpis alang-alang sa pag-ibig.