DI NAGIISA

Kidlat ay nagsalimbayan, kulog ay napakinggan,

Katulad ng kasalanan ibig akong ihapay.

Tinig N’ya’y naulinigan: patuloy ang paglaban.

Nangakong hindi iiwan at di babayaan.

Tindig ng ihip ng hangin, tuksong lubhang matalim;

Payapa din ang damdamin pagka’t

S’ya ang kapiling.

Ako’y di magugupiling, S’ya’y sanggalang sa akin.

Ito ang Kanyang habilin: di N’ya lilisanin.