PURIHIN ANG PANGINOON

Sambahin natin at luwalhatiin

Ang Dios ay ating purihin,

Pasalamatan Siya at dakilain

Ang Pangalan N’ya ay walang hambing

Langit at lupa at buong sinukob

Dagat, bukid, gubat, bundok,

Nagsisiawit tuwa’y di natatapos

Sa pagpupuri sa dakilang Dios.

Kahanga-hanga ang kapangyarihan

Ng banal N’yang kalikasan,

Itinataboy ang lahat nilang kalaban

At iniligtas ang Kanyang bayan.

Magpasalamat tayo at magpuri

Sa mayamang pagkandili,

Alalahanin, wagas Niyang pagkasi

Magmula nuong una at huli.