SA MAGDAMAG HANGGANG SA MAGLIWAYWAY

Sa magdamag hanggang sa magliwayway

Kapiling Ka, O Dios, sa paghimlay,

O kay tamis kung aking maranasan

Kasama ka at laging kaakbay.

Pagsikat ng maluningning na araw,

L’walhati Mo ang s’yang tinataglay,

Kung ang himbing na puso ay mapukaw,

Ang nais ko, kapiling ay Ikaw.

Kahit pagod kung lagi kang kasama,

Panatag ang aking kaluluwa.

Sa bisig Mo’y matibay ang pagasa,

Di na ako maliligalig pa.

At sa wakas pagsapit ng umaga,

Pagkagising ay may bagong sigla;

Sa langit ng l’walhati at ligaya,

Aking Jesus, kasama rin Kita. Amen.