SI JESUS ANG SIYANG TANGING LUNAS

Si Jesus ang siyang tanging lunas,

Patnubay sa madlang mga hirap,

Pumapawi sa mga bagabag

Ng taong nalugami sa lusak;

Dahil sa di masayod na habag,

Sanlibuta’y Kanyang iniligtas.

O Kristiano, magbago ng landas,

Ang kilos mo at diwa’y itumpak,

Dapat ka nang ngayo’y magbalikwas

Sa kasalanang magpapahamak;

Magsisi nang dalisay at tapat,

At tanggapin ang Tagapagligtas.